काठमाडौं । काठमाडौं महानगरपालिकाका मेयर बालेन शाह आज मध्याह्नसम्म पनि कार्यालय पुगेका छैनन् ।
अरू दिन नियमित समय (बिहान ९–१० बजे)भित्र कार्यालय पुग्ने मेयर आज अहिले (मध्याह्न १२ बजे) सम्म उपस्थित नभएको स्रोतले जनाएको छ ।
“आज मेयर अहिलेसम्म आइपुग्नुभएको छैन । हिजोको कुरा थाहा भएन,” स्रोतले भन्यो ।
बालेनले शनिबार राति फेसबुकमा ‘अश्लील’ मानिने शब्दसहितको एउटा स्टाटस लेखेका थिए । उनले अमेरिका, भारत र चीन तथा नेपालका प्रमुख राजनीतिक दल मिलेर पनि केही गर्न नसकेको आशयको स्टाटस लेखेका थिए ।
तर, स्टाटस पोस्ट गरेको केही समयमै उनले डिलिट गरिदिएका थिए । जसलाई लिएर अहिले उनको आलोचना भइरहेको छ ।
