धनकुटा । कोशी प्रदेशको मुख्यमन्त्री तथा मन्त्रिपरिषद् कार्यालयकी राज्य मन्त्री सृजना राईको सवारी बिहीबार साँझ धनकुटाको पाख्रीवास मार्गमा दुर्घटना भएको छ । प्रदेश नम्बर १–०४–००१ झ १००३२ नम्बरको स्कार्पियो गाडीका दुई चक्का नालामा पसेपछि दुर्घटना भएको हो ।
दुर्घटनामा परेकी राज्यमन्त्री राई लगायत सवारीमा सवार कसैलाई केही क्षति नभएको प्रहरीले जनाएको छ । दुर्घटना पछि राज्यमन्त्री राईलाई धनकुटासम्म प्रहरीको गाडीमा ल्याएको र त्यसपछि जिल्ला समन्वय समिति धनकुटाको सवारीमा विराटनगरतर्फ प्रस्थान गरेको धनकुटा प्रहरीले जनाएको छ।
इलाका प्रहरी कार्यालय पाख्रीवासको टोली घटनास्थलमा पुगी गाडी निकाल्ने काम भइरहेको प्रहरीले जनाएको छ ।-स्रोत :रातोपाटी
