सप्तरी । भारतको गुजरात राज्यबाट ५ नेपाली मजदुरको उद्दार भएको छ ।यातना भोगिरहेका सप्तरीको तिरहुत गाउँपालिका ४ र हनुमाननगर कंकालिनी नगरपालिका ८ का पाँच जना मजदुरको उद्दार भएको हो ।
गुजरातको बनासकांठा जिल्लास्थित जोहरापुरा गाउँमा रहेको रामदेव कोल्ड स्टोरबाट उद्धार गरिएको हो ।
मजदुरहरूलाई ठेकेदारले कुटपिट गर्नुका साथै मानसिक र शारीरिक यातना दिने गरेको पीडितहरूको गुनासो छ ।
पीडित मजदुरहरुलाई इञ्जिनियर तथा साइबर सुरक्षा विश्लेषक कुमार अभिनवको पहल र समन्वयमा भारतको गुजरातबाट सफल उद्धार गरिएको तिरहुत गाउँपालिका अध्यक्ष बिजयकुमार यादवले जानकारी दिए ।
उनीहरू वैशाख ५ गते भारतको बिहारअन्तर्गत सुपौल जिल्लाका ठेकेदार राजेश शर्मामार्फत गुजरात गएका थिए ।
