मकवानपुर । सिन्धुलीको सुनकोशी गाउँपालिकामा सवारी दुर्घटनामा परेर एक जनाको मृत्यु भएको छ । सुनकोशी गाउँपालिका–६ शीतलपाटीस्थित बीपी राजमार्गमा मध्यराति भएको सवारी दुर्घटनामा परेर एक जनाको मृत्यु भएको हो ।
दुर्घटनामा मकवानपुर मनहरि गाउँपालिका–४ निवासी धर्मराज रेग्मीको मृत्यु भएको छ भने उनका भाइ नीरज रेग्मी गम्भीर घाइते भएका छन् ।
काठमाडौँबाट बर्दिबासतर्फ जाँदै गरेको बा।प्र।०१–०२४ च ९९१३ नम्बरको योद्धा पिकअप राति करिब साँढे बाह्र बजे सडकबाट ५०० मिटर तल खोँचमा खसेको थियो । दुर्घटनापछि गम्भीर घाइते धर्मराज रेग्मीलाई उद्धार गरी सुनकोशी सामुदायिक अस्पताल खुर्कोट पुर्याइए पनि बिहान २स्४५ बजे चिकित्सकले मृत घोषणा गरेको जिल्ला प्रहरी कार्यालय सिन्धुलीका प्रवक्ता प्रहरी नायव उपरीक्षक (डीएसपी) सूर्य प्रकाश सुवेदीले जानकारी दिए।
दुर्घटनामा परेका चालक समेत रहेका उनका भाइ नीरज रेग्मीलाई भने थप उपचारका लागि धुलिखेल अस्पताल पठाइएको प्रहरीले जनाएको छ । मृतकको शव पोस्टमार्टमका लागि सिन्धुली अस्पताल ल्याइएको छ ।
