चितवनको भरतपुरमा गएराती भएको सवारी दुर्घटनामा डा.विप्लव भट्टको निधन भएको छ ।
भरतपुर महानगरपालिका १० बिशालचोकमा रमाइलो चोकतर्फबाट आउँदै गरेको बा १५ च ४६९३ नम्बरको कार गएराती करिब १ः३० बजे अनियन्त्रित भई सडक किनारमा रहेको रुखमा ठोक्किँदा कारमा सवार भरतपुर–२ आँपटारीका डा. बिप्लब भट्टको मृत्यु भएको हो ।
दुर्घटनामा परी गम्भिर घाइते डा.भट्टको पुरानो मेडिकल कलेजमा उपचारको क्रममा राति नै २ः०५ बजे मृत्यु भएको हो ।
जिल्ला प्रहरी कार्यालय चितवनले घटनाको थप अनुसन्धान भइरहेको जानकारी दिएको छ ।
