काठमाडौं, १ असोज । जेनजी प्रदर्शनका क्रममा एसपी श्यामबाबु ओलियाको बर्दी लगाउने एकजनालाई प्रहरीले पक्राउ गरेको छ ।
भदौ २४ गते प्रदर्शनका क्रममा जिल्ला प्रहरी कार्यालय कास्कीका प्रमुखसमेत रहेका एसपी ओलियाको बर्दी दुरुपयोग गर्ने एकजनालाई पक्राउ गरिएको प्रहरीले जनाएको छ । नाम भने खुलाइएको छैन ।
उक्त दिन प्रदर्शनकारीले डोजर लिएर जिल्ला प्रहरी कार्यालय कार्कीमा आगजनी गरेका थिए । उनीहरुले कार्यालय आफ्नो नियन्त्रणमा लिई प्रहरीका बर्दी, हतियार दुरुपयोग गरेका थिए ।
सोही क्रममा एसपीको बर्दी दुरुपयोग गर्ने एकजनालाई प्रहरीले पक्राउ गरेको हो ।
