काठमाडौँ – अन्तर्राष्ट्रिय बजारमा सुनको मूल्य वृद्धि भएको छ ।
यो समाचार तयार पार्दासम्म विगत २४ घण्टाको अवधिमा सुनको मूल्य प्रतिऔंस २४.६० डलरले वृद्धि भएको छ ।
यो वृद्धिसँगै सुनको मूल्य प्रतिऔंस २ हजार २५७.६० डलर पुगेको छ ।
सुनसँगै चाँदीको मूल्य पनि बढेको छ । चाँदीको मूल्य ०.१३ डलरले बढ्दै प्रतिऔंस २५.७ डलर कायम भएको छ ।
नेपाली बजारमा भने छापावाला सुनको मूल्य प्रतितोला १ लाख ३० हजार रुपैयाँ र तेजावी सुनको मूल्य प्रतितोला १ लाख २९ हजार ४ सय रुपैयाँमा कारोबार भइरहेको छ ।
