काठमाडौं, असार १४ । नेकपा माओवादी केन्द्रका अध्यक्ष तथा प्रधानमन्त्री पुष्पकमल दाहाल प्रचण्डले कम्युनिष्ट पार्टीबीच फेरि एकताको प्रक्रिया थालिएको बताउनु भएको छ ।
जगत बोहरा सावित्री स्मृति दिवस कार्यक्रमलाई सम्बोधन गर्दै प्रधानमन्त्री दाहालले आफूहरू एकताको प्रक्रियातिर फेरि अघि बढिसकेको बताउनु भयो । उहाँले नेकपा एकताका लागि सबैले आआफ्नो ठाउँबाट योगदान दिनसमेत आग्रह गर्नुभयो ।
प्रधानमन्त्रीले देशमा केही भएन भन्ने भाष्य चिर्न आवश्यक रहेको भन्दै जनताले सोचेजति नभए पनि धेरै काम भएको बताउनु भयो ।
