काठमाडौं, चैत १८ । सुनसरीको झुम्का कारागारमा रहेका एक जना कैदी बन्दीको मृत्यु भएको छ ।
पत्नी हत्याको आरोपमा कर्तव्य ज्यान मुद्दामा कैद भुक्तान गरिरहेका खोटाङका साकला गाउँपालिकाका ४२ वर्षीय न्यायाधीश राईको शनिबार मृत्यु भएको हो । राईको कारागारभित्रै मृत्यु भएको हो ।
न्यायाधीशको शरीरभरि निलडाम र चोट देखिएकाले भन्दै कारागारभित्रै कुटेर हत्या गरेको मृतक राईका आफन्तले आरोप लगाएका छन् । झुम्का कारागार प्रशासनले भने स्वास्थ्यमा समस्या रहेका राईको उपचारका क्रममा जिल्ला अस्पताल सुनसरीमा राईको मृत्यु भएको दाबी गरेको छ ।
पीडित पक्षले न्याय र क्षतिपूर्ति नदिएसम्म शव परीक्षण गर्न नदिने र शव नबुझ्ने अडान लिएको छ ।
